Ginkabalak-an sang tiglikom sang Department of Energy nga si Sharon Garin, ang mataas nga presyo sang produktong petrolyo nga nagakaapekto sa mga nagkalain-lain nga sektor sa pungsod.
Ini matapos nga gin-anunsyo sini sa Senate of the Philippines kahapon nga adlaw ang isa sa pinakadako nga pagsaka sang presyo sang mga produktong petrolyo sa kasaysayan sang Pilipinas bangod sang nagakatabo nga krisis sa Iran.
Sa gintingob nga hearing sang Senate Committee on Ways and Means kag Senate Committee on Energy, gin-athag sang tiglikom nga tuman ka bug-at ang pagsaka sang presyo sang gatong sa sini nga semana.
Suno pa sa iya nga ang tuman nga ginakabalak-an sang publiko nga presyo sang gatong amo ang diesel bangud 65% sang public transportation ang nagagamit sini.
Dugang pa niya nga dapat himuan sang paagi nga mabuhinan ang presyo sang diesel gamit ang budget sang gobyerno bangud amo sini ang tuman nga nagaapekto sa mga tawo.
Nahibaluan nga nagsaka sang ₱7.00 tubtob ₱13.00 ang gasolina; samtang ₱17.50 tubtob ₱24.25 sa diesel; kag ₱32.00 tubtob ₱38.50 naman ang sa kerosene.
