Nagpaandam ang pungsod Iran sa mga sibilyan sini sa Middle East nga magpalayo sa mga lugar nga malapit sa pwersa sang United States samtang padayon ang tensyon sa giyera nga gina-updan sang Israel.

Nagpahayag si US President Donald Trump nga “maayo” ang dalagan sang ila peace talks nga ginpatigayon kag ginpalawig sini ang deadline may kaangtanan sa Strait of Hormuz.

Apang padayon sa gihapon ang pag-inaway sang duwa ka pungsod kag may ara naman sang bag-o nga airstrike nga natabo sa Tehran kag iban pa nga mga syudad.

Nahibaluan nga tuman ka dako na ang halit sang giyera nga nagakatabo sa nagkalain-lain nga pungsod lakip na ang pagkaguba sang mga lugar nga may cultural heritage, kag naapektuhan man ang suplay sang langis kag global market.

Nagpaandam ang Iran sang dugang nga pag-atake batok sa mga kaalyado sang U.S. kag importante nga oil facilities kon maglala pa gid ang sitwasyon.

Apisar sa pagpaninguha nga makuha ang kahilwayan, padayon sa gihapon ang pagtimalos sang militar sang duha ka grupo.

Ini nagahatag sang kakugmat sang mas dako nga giyera nga matabo amo man sa epekto sini sa ekonomiya sa bilog nga kalibutan.