Ginkumpirma sang Department of Foreign Affairs (DFA) nga may isa na naman ka Pinay nga napatay sa Israel kasunod sang missile attack.
Natabo ang atake sa Haifa, Israel sang Abril 5 sang gab-i kun sa diin nagapuyo ang amo nga Pinay nga wala pa subong ginhingadlan.
Magluwas sa iya, patay man ang iya bana nga Israeli kag ang iya mga ugangan.
Sa statement sang DFA, ginkumpirma nga napahibalo na ang pamilya sang biktima kag ginahatag ang nagakaigu nga assistance, lakip na ang arrangement sang posible nga repatriation sa bangkay apisar sang travel situation subong sa Middle East.
Nagpalab-ot man sang simpatiya ang DFA kasunod sang insidente.
Naga-request ang pamilya sang privacy sa sining mabudlay kag masubo nga tion sa ila kabuhi.
Sa separado nga reports halin sa Middle East media, naigu sang Iranian missile strike ang isa ka residential building sa Israeli port city of Haifa sang Domingo sang gab-i.
Suno naman sa Israeli military, na-recover ang bangkay sang apat nga natabunan sang mga debris kasunod sang inoras nga search-and-rescue operations. Nagbisita mismo si Israeli National Security Minister Itamar Ben-Gvir sa site nga gin-igu sang missile strike.
 nga may isa na naman ka Pinay nga napatay sa Israel kasunod sang missile attack.){kind=link}