Ginpaathag ni Ombudsman Jesus Crispin “Boying” Remulla nga indi mahimo maka-inhibit ang Ombudsman sa kaso sa corruption bangud amo ini ang ila nga constitutional duty.
“Ang inhibition goes down to the fairness of the judicial process. Prosecutors are supposed to side with the victims of crimes. Ngayon, ano ba ang Office of the Ombudsman? Ang origin namin sa Pilipinas, tanod-bayan,” suno kay Remulla.
Ginkwestyon sini kun paano masilutan ang mga kurap kun mag-inhibit ang opisina sa ila mismo trabaho nga amo ang nakabutang sa idalom sang Konstitusyon.
“Kami ang bantay ng bayan para ’yung corruption ay mabantayan, ’yung pang-aabuso ng kapangyarihan ay maawat natin, matigil natin at maparusahan. Paano natin mapaparusahan ’yan kung mag-i-inhibit ka? Duty mo ’yan e. ‘Yan ay katungkulan po namin sa Saligang Batas,” dugang ni Remulla.
Kahapon sang ginsapubliko ang sulat sang mga abogado ni Romualdez nga naga-request kay Remulla kag sa iya opisina nga mag-inhibit sa imbestigasyon bangud daw kaangay suno sa ila nga nahusgaran na nga daan sang Ombudsman nga guilty si Romualdez sa plunder apisar wala pa gani na-file ang kaso.
Ang ila request para sa inhibition suno sa mga abogado amo ang magapasiguro nga maproteksyunan ang kinamatarong ni Romualdez sa due process.
Naghingyo man ang mga abogado nga kun may kaso batok sa ila kliyente, i-refer ini sa independent and impartial body ukon officer nga maka-conduct sang proceedings nga hilway sa anuman nga bias ukon prejudgment.
