Nanindugan ang defense team ni VP Sara Duterte nga ang ”probable cause” nga nakita sang House Committte sa duwa ka impeachment complaints ang wala nagakahulugan nga guilty ang Bise Presidente.
Suno kay Atty. Michael Poa, spokesperson sang defense panel, ginpunto sini nga ang probable cause ang nagakahulugan lamang nga ginpili sang committee members nga ipadayon ukon i-transmit ang kaso sa plenaryo.
Wala ini nagakahulugan nga guilty, may ara sang liability kag may sala ang Bise Presidente.
Gindugang pa sini nga indi man makakilibot ang desisyon sang komite bangud nga ginalauman na sang kampo ni Duterte nga igapadayon ang kaso sa full trial sa Mataas nga Kapulungan sang Kongreso.
Sa pihak nga bahin, nagapabilin ang panindugan sang defense team nga indi legal ang mga serye sang hearing nga ginpatigayon sang justice panel sa impeachment case batok sa Bise Presidente.
Matandaan nga naglab-ot sa ikaapat nga hearing bag-o dalayon nga nagboto ang miyembro sang komite kag nakitaan sang probabale cause ang duwa ka reklamo batok kay VP Sara.
Suno kay Poa, padayon nga nagapanindugan ang panel sang posisyon sini nga una na nga ginapa-abot sa Korte Suprema paagi sa isa ka petisyon para ipa-untat ang mga hearing.
