Ginrekomenda sang National Bureau of Investigation (NBI) ang tatlo ka counts sang grave threat kag isa ka count sang inciting to sedition batok kay Vice President Sara Duterte.
Suno sa report, wala ginbaton sang NBI ang pahayag ni Duterte nga ang iya pamahog nga pagpatay kanday President Ferdinand Marcos, First Lady Liza Araneta-Marcos, kag anay House Speaker Martin Romualdez ang isa lamang ka kondisyonal.
Suno sa NBI, ang mga pahayag ni Duterte klaro nga may tinutuyo ini nga magpahadlok kag magpamahog sa mga opisyal.
Ginrekomenda man sang NBI ang kaso nga inciting to sedition batok kay Duterte bangud sa pahayag sini sa online press conference sang Nobyembre 2024 kag sang Oktubre 2024 kun sa diin nagbuya ini sang pahayag nga naisip sini sang makaisa nga pugutan sang ulo ang Presidente.
Suno sa mga miyembro sang House Committee on Justice, ang affidavit maga-serbe nga mabug-at nga ebidensya batok kay Duterte sa iya impeachment hearings.
