Nagluntad ang isa ka dako nga komosyon kagab-i sa sulod sang Senate Building sa Pasay City.
Ini kasunod sang report may kaangtanan sa posible nga pag-aresto kay Senator Ronald ”Bato” dela Rosa kahapon, Mayo 13, 2026.
Suno sa mga report, nakit-an ang presensya sang mga militar nga yara na sa sulod sang Senado antes pa man nag-umpisa ang tensyon sa sulod sang building.
Nabatian man ang pag-drill sa isa ka pwertahan sa sulod sang Senado, apang wala pa sang opisyal nga kumpirmasyon gikan sa security force kun ano ang rason sini ukon kun ano ang yara sa pihak sang gina-drill nga kwarto sa Senado.
Matapos sadto pila man ka sunod-sunod nga lupok sang pusil ang nabatian sa sulod sang Senado nga nagdul-ong sang kakugmat sa mga tawo nga yara sa lugar.
Ginpaguwa naman sang mga otoridad ang mga katapo sang media samtang amat-amat nga ginpangpatay ang mga suga sa sulod sang building.
Yari pamatian ta ang coverage sang Bombo Radyo Philippines kagab-i kasunod sang sunod-sunod nga linukapanay nga natabo sa Senado
