Ginkadismaya ni Senate President Alan Peter Cayetano kag utod sini nga si Senator Pia Cayetano ang nangin sabat sa ila ni NBI Director Melvin Matibag kasunod sang pagpangayo nila sang bulig matapos ang nagluntad nga sunod-sunod nga lupok sang pusil sa sulod sang Senado.
Suno kay Senadora Cayetano nga ginsabat sila ni NBI Director Matibag nga wala sila sang mahimo sa nasambit nga komosyon bangud
ginpahalin sila sa Senado.
Nagtaas naman ang tingog sang Senadora samtang ginahambal ini sa live sang iya utod nga si Senate President Cayetano.
Samtang, nagpahayag naman si Senate President Alan Peter Cayetano nga may apat ka mga senador nga nakabaton sang impormasyon nga maghalin anay sa Senado antes matabo ang kinagamo.
Suno pa sa iya nga nagapadayon ang meeting sang pila ka senador may kaangtanan sa Articles of Impeachment batok kay Vice President Sara Duterte sang may nag-abot nga warning nga may natabo nga linukpanay sa sulod sang Senate building.
Ginpahayag pa sini nga ”allegedly under attack” sila kag nagpanugyan na lang ini sa mga kaangay niya sa sulod sang Senate nga patyon ang suga kag magsunod sa protocols.
