Ginpahanugutan na sang Department of Agriculture ang pag-import sang karne sang baboy halin sa Spain matapos ginkilala na sang Pilipinas ang mga tikang nga ginabuhat sini batok sa African Swine Fever ukon ASF.
Ginpirmahan na ni Agriculture Secretary Francisco Tiu Laurel Jr. ang bag-o nga mando nga nagatugot liwat sa pag-import sang pork meat, pig skin kag iban pa nga by-products sang baboy.
Madumduman nga ginpatuman ang temporaryo nga ban sang nagligad nga tuig bangud sang mga kaso sang ASF sa pila ka bahin sang Europa agud maprotektahan ang lokal nga industriya sa pagdumala sang baboy.
Suno sa DA, may yara sang nagakaigo nga veterinary kag disease-control measures ang Spain nga makapahagan-hagan sang risgo nga makasulod ang ASF paagi sa imported nga pork products.
Dugang pa nila, makabulig ini sa pagpasiguro sang estable nga suplay sang karne sang baboy sa pungsod samtang ginapadayon ang istrikto nga animal health standards.
