Ginapanindugan ni Senate President Alan Peter Cayetano nga wala sang kamatuoran ang alegasyon nga ang pag-ilis sang liderato sa Senado kag ang pag-eleher sa iya sang Lunes ang may katuyoan nga punggan ang impeachment trial batok kay Vice President Sara Duterte.
Gin-athag ni Cayetano nga indi konektado ang reorganisasyon sang Senado sa impeachment complaints batok sa bise presidente.
Suno pa sa iya, ila na ginahanda ang Senado bilang impeachment court para sa hearing kay Duterte sa Lunes, Mayo 18.
Suno kay Cayetano, padayon ang ila pagproseso sang tanan nga kinahanglanon agud masiguro nga matungdan sang Senado ang nasambit nga impeachment proceedings.
