Nanindugan si Senate President Alan Peter Cayetano nga wala sang kamatuoran ang mga nagalapta nga istorya nga may ara sang pagbag-o sa liderato sang senado agud lamang punggan nga matigayon ang impeachment batok kay Vice President Sara Duterte.
Suno sa iya, apisar nga may ara sang nagluntad nga lukpanay sa sulod sang senado sang Myerkules sang gab-i, gintapos gid niya ang pagreview sang Articles of Impeachment halin sa Kamara agud gilayon nga mapadala sa House of Representatives ang sulat nga yara na sa order sang senado ang impeachment kun sa diin magaserbe na nga korte ang senado.
Wala man sini mapunggan nga magpahayag sa mga tawo nga padayun nga nagahatag sang ila opinion sa nangin dako nga pagbag-o sa senado nga bukas gid sila nga mga opisyal sang gobyerno para sa mga kritisismo.
Apang suno man sa iya, kun may ara sang akusasyson batok sa ila kag napamatud-an nga wala ang mga ini sang kamatuoran, mas maayo man nga akuon na lang sang mga ini nga sala sila sa ila nangin mga alegasyon.
