Ginkumpirma sang National Disaster Risk Reduction and Management Council (NDRRMC) nga nagdangat na sa 35 ang numero sang nagkalamatay kasunod sang magnitude 7.8 nga linog nga nagtay-og sa Mindanao kaina sang aga.
As of 8 p.m., 31 ang gin-report nga casualties sa SOCCSKSARGEN ukon sa South-Central Mindanao samtang apat naman sa Davao region.
Sa mga nagtaliwan sa SOCCSKSARGEN, 17 ang nagikan sa Sarangani, 12 sa General Santos City, kag duha sa South Cotabato.
Magluwas sa mga napatay, may yara pa sang missing nga mga indibidwal kag 134 ang naisip nga may injuries.
Una naman nga ginpasaka sa Full Red Alert ang status sang Office of Civil Defense (OCD) samtang nagapadayon ang assessment kag rescue operations.
“Ang epicenter ay nasa Maasin, Sarangani. Ang mga naapektuhan na region ay Regions 9, 11, 12 at BARMM. Pero naramdaman din sa ibang regions ng Mindanao at dito sa Visayas,” suno kay OCD Administrator Undersecretary Harold Cabreros.
May inisyal na nga reports ang damage sa imprastraktura lakip na ang nag-collapse nga mga estruktura kag taytay sa pila ka mga rehiyon apang nagapadayon pa ang verification.
“Na-establish po natin ngayon ang National Inter-Agency Coordinating Cell (NIACC) para po sa mga response na gagawin natin,” suno pa sa opisyal.
Ginaabisuhan ang publiko nga magpabilin nga aligmat sa aftershocks kag possible tsunami threats.
“Paalala sa ating mga kababayan na maging alerto lagi, lalung lalo na nakakaranas pa tayo ng aftershocks at umiwas din po sa mga high rise buildings at pakinggan din po ang mga abiso o warning ng agencies, lalo na tungkol sa tsunami na maaaring maranasan ng ating mga kababayan,” dugang sini.
Napasaka naman sa heightened alert ang Philippine National Police (PNP) units sa Mindanao para nga makabulig sa disaster response agencies kag local government units sa search, rescue, kag relief operations.#
