Liwat nga igapaidalom sa yellow alert status ang Visayas grid halin alas-4 sa hapon tubtob alas-9 subong nga gab-i.
Ini amo ang base sa anunsyo sang National Grid Corporation of the Philippines (NGCP).
Kasunod ini sang tuman ka taas nga demand forecast kag unavailability sang dalagkuan nga mga coal plants sa mga rehiyon sang Visayas.
Ginapaidalom sa isa ka yellow alert status ang isa ka lugar kun wala sang insakto nga suplay ang operating margin agud nga mapun-an ang contingency requirement sang transmission grid.
Nahibaluan nga naglab-ot na sa masobra sa 20 ka tion halin sang Mayo nga ginpapaidalom sa nasambit nga alert status ang Visayas.
