Lakip ang probinsya sang Iloilo sa 47 ka mga lugar nga natumod sang state weather bureau nga mahimo maka-eksperyensya sang dry condition sa hingapusan sang Nobyembre bangud sa El Niño.
Suno sa Philippine Atmospheric, Geophysical and Astronomical Services Administration (PAGASA), ang dry condition nagakahulugan nga may 21% tubtub 60% nga buhin sa tubig-ulan sa duha ka magkasunod nga bulan.
Magluwas sa Iloilo, nalakip man ang pila pa ka areas sang Western Visayas kaangay sang Aklan, Antique, kag Guimaras.
Yari ang kumpleto nga lista sang areas sa pungsod nga posible maapektuhan:
Luzon
Abra
Albay
Apayao
Aurora
Bataan
Batangas
Benguet
Bulacan
Camarines Norte
Catanduanes
Cavite
Ifugao
Ilocos Norte
Ilocos Sur
Isabela
Kalinga
La Union
Laguna
Marinduque
Masbate
Metro Manila
Mountain Province
Nueva Ecija
Nueva Vizcaya
Occidental Mindoro
Oriental Mindoro
Palawan (Kalayaan)
Pampanga
Pangasisnan
Quezon
Quirino
Rizal
Romblon
Sorsogon
Tarlac
Zambales
Visayas
Aklan
Antique
Biliran
Eastern Samar
Guimaras
Iloilo
Northern Samar
Samar (Western Samar)
Southern Leyte
Mindanao
Dinagat Islands
Surigao del Norte
Sa mga lugar nga ini, gina-forecast nga ang Camarines Sur ang maka-eksperyensya sang dry spell — ang kondisyon kun sa diin may 21% tubtub 60% nga buhin sa tubig-ulan sa tatlo ka magkasunod nga bulan, ukon masobra sa 60% nga pagbuhin sa duha ka bulan.
Suno pa sa PAGASA, wala sang lugar nga ginalantaw subong nga maka-eksperyensya sang drought.
Ini nga forecast ang ginbase pa lamang sa naobserbaran nga pag-ulan sa December 2025 tubtub May 31, 2026 kag forecast rainfall sa June-November 2026.
Una na nga ginkumpirma sang state weather bureau sang nagligad nga Martes, Hunyo 9, nga nagtuhaw na ang El Niño conditions sa tropical Pacific.
Nakalab-ot na sa +0.5°C threshold ang sea surface temperature anomalies sa tropical Pacific sa Mayo 2026. Ini nga lebel ang mahimo na maangot sa pagsugod sang El Niño conditions.
Sandig sa madamo nga climate models suno sa weather bureau, masobra na sa 80% ang posibilidad nga maga-develop ini sa full-blown El Niño nga kondisyon kag magapadayon tubtub sa temprano nga bahin sang 2027. (Photo: Dianne Bacelonia)
