Malapit na lang ipasaka ang sampaw-sampaw nga kaso batok kay former House Speaker Martin Romualdez bangud sang ginaalegar nga involvement sini sa flood control scandal.
Ini ang imbukada nga porsyon sang speech ni President Ferdinand Marcos Jr. sa iya nga State of the Nation Address (SONA) kahapon, Hulyo 27.
Pahayag sini, masakit man ini sa iya bangud pakaisa sini si Romualdez, apang amo ini ang kinahanglan nga himuon, bangud indi man siya presidente sang iya pamilya ukon mga abyan, kundi presidente sang Pilipinas kag may katungdanan siya sa mga Pilipino.
“Dumating na tayo sa punto na ayon sa Ombudsman ay malapit na ang paghain ng patong-patong na kaso laban sa dating Speaker. Masakit man sa akin ito ngunit kailangan natin gawin ang tama,” suno kay Marcos.
Dugang sini: “Hindi ako Pangulo ng aking pamilya. Hindi ako Pangulo ng aking kaibigan. Ako ay Pangulo ng Pilipinas at ang tungkulin ko ay sa inyo ang aking mga kapwa Pilipino.”
Kun nasakitan si Marcos, nasakitan man si Romualdez.
Suno sa former leader sang Kamara, bisan nga masakit ini sa ila nga pamilya, ginatahod sini ang pahayag sang punong ehekutibo.
Ginklaro ni Romualdez nga wala siya nakapangayo sang pabor ukon espesyal nga pagtratar bilang pakaisa ni Marcos.
“Masakit man ito sa aming pamilya, iginagalang ko ang naging pahayag ng Pangulo. Hindi ako kailanman humingi ng pabor o espesyal na pagtrato,” suno sa iya nga statement kagab-i.
“Sang-ayon ako na gawin natin ang tama. Ang tama ay ang sumunod sa proseso at hayaan ang ebidensya ang magsalita. Naninindigan akong wala akong ginawang anumang labag sa batas,” pahayag pa niya. “Handa akong patunayan ito.”
Nahibaluan nga ginaakusaran si Romualdez kag anay Ako Bicol Party-list Representative Zaldy Co nga naghimbunanay sa paghimo sang ilegal nga pagtipon sang ginabanta P56 bilyon nga ginatawag nga ill-gotten wealth ukon manggad nga nakuha sa ilegal nga paagi halin sang 2022 tubtob 2025.
Una na nga ginpahayag ni Ombudsman Boying Remulla nga ginasigurado anay nila nga mabakod ang i-file nga kaso agud nga indi basta-basta nga mawasak sang defense team sang kongresista.#
