Nagpanawagan si President Ferdinand “Bongbong” Marcos Jr. sa Kongreso nga pasangkaron ang tax relief para sa mga middle class nga Pilipino nga apektado man sang krisis sa ekonomiya dala sang gyera sa Middle East.
Sa iya State of the Nation Address (SONA), ginpanugyan sang Presidente nga indi na pagbayrun sang income tax ang mga empleyado nga naga-sweldo ukon nagakita sang tubtob P350,000 kada tuig, samtang panubuan naman ang buwis sang mga nagakita sang mas mataas sa sini nga balor.
“Dagdagan natin ang mga manggagawang malilibre sa buwis sa kanilang kita. Isasama na natin ang mga kumikita nang hindi lalagpas sa P350,000 kada taon,” suno kay Marcos.
“Alam natin na sila rin ay nabibigatan sa epekto ng krisis… So, to ensure the continued progress of the middle class amidst the lingering effects of the crisis, we will pursue tax relief measures that promote growth, generate revenue, and advance equity toward socio-economic sustainability,” dugang sang presidente.
Sa subong, ang threshold sa wala ginasukot sang buwis amo lamang ang mga naga-kita sang tubtob P250,000 kada tuig.
Suno kay Marcos, wala nalipatan sang gobyerno ang mga mangunguma, middle class kag magagmay nga negosyo nga padayon nga naapektuhan sang pagsaka sang presyo sang mga balaklon bangud sang mga krisis.
“Kaya bilang natatanging proteksyon sa kanila at para mas mapakinabangan nila ang pinaghirapan nilang kita, nananawagan ako sa Kongreso upang maipasa ang batas na magbibigay ng bahagyang ginhawa para sa ating bayaring buwis,” suno sa chief executive.
Dugang pa sini, dapat nga i-exempt man ang magagmay nga negosyo sa pagbayad sang minimum corporate income tax (MCIT).
“Ang mga maliliit na negosyo ay hindi na papatawan ng minimum corporate income tax,” suno sa president.
Sa idalom sang Corporate Recovery and Tax Incentives for Enterprises (CREATE) Act, ang ginapatuman nga Minimum Corporate Income Tax (MCIT) amo ang 2% sang gross income ukon kabug-usan nga kinitaan sang isa ka korporasyon sa sulod sang 12 ka bulan.
“Pangatlo, para mapanatag ang loob ng taumbayan ang pagbigay ng amnesty para sa mga hindi nabayarang buwis tulad ng income tax, estate, donor’s tax, at value added tax. Kasama na rin diyan ang mga multa na kaakibat ng mga ito,” suno pa kay Marcos.#
