Matibag, gin-athag nga wala siya sang US mansion; Sass Sasot, nag-sorry

Gintawag ni National Bureau of Investigation (NBI) Director Melvin Matibag nga “fake news” kag malisyoso ang nagalapta nga mga report nga nagasiling nga siya kag ang iya asawa nagapanag-iya sang multimillion-dollar mansion sa Estados Unidos sang Amerika.

Suno kay Matibag, wala sila sang bisan ano nga property sa gwa sang Pilipinas kag ang tanan nila nga propieded ang yara sa iya Statement of Assets, Liabilities and Net Worth ukon SALN.

Sa naglapta nga report, nagbakal si certain “Melvin Matibag” sang mansion sang 2004 sa Stevenson Ranch sa California. Ang amo nga Melvin Matibag ang may middle name nga nagasugod sa B kag may asawa nga si Anna Marie Laman.

Ang middle name naman ni Director Matibag amo ang Alvarez, kag kasado siya kay Laguna 1st District Rep. Maria Rene Ann Lourdes Matibag.

“Mali na kaagad ‘eh, hindi pa nga kami magkakilala ng asawa ko noong 2004… Minsan, iyong makikitid iyong utak, I don’t want to brand what group is that, sasabihin na agad palusot lang iyan,” suno kay Matibag.

“But [if] you check the record, it will bear you out,” dugang sang natungdan.

Ginsiling man sang NBI director nga nagsugod ang paglapta sang mga impormasyon matapos siya magtestigo sa impeachment trial ni Vice President Sara Duterte sa Senado. Suno sa iya, ang katuyoan sang amo nga mga alegasyon amo ang paghigko sang iya kredibilidad bilang testigo.

Ang nag-share sang amo nga report amo ang kilala nga pro-Duterte vlogger nga si Sass Rogando Sasot ukon mas kilala bilang Sass Sassot.

Nagpangayo na sang pasaylo si Sassot sa iya gin-share nga report matapos na-verify suno sa iya nga lain gali nga Matibag ang nagbakal sang mansion.

“That post was about the 26023 Baldwin Place in California that is listed at homes.com, a major U.S. online residential real estate marketplace owned by CoStar Group. Homes.com listed it as owned by a couple named \”Melvin Matibag and Anna Marie Matibag,\” suno sa iya nga latest Facebook post.

“Upon crossverifying with other public records in the United States, these two people are not NBI Director Melvin Matibag and Congresswoman Anna Marie Matibag,” dugang sini sa iya pagpangayo sang pasensya.

“I apologize to NBI Director Melvin Matibag and Congresswoman Ann Matibag for this error. The original post has already been retracted,” dugang niya.

May isa man ka network nga nag-share sang amo nga report nga nag-rectify na sang ila nga sala, apang ginsiling ni Matibag nga wala niya ginadula ang posibilidad nga magpasaka sang kaso batok sa nasambit nga media outlet.

“The news network is here covering. So I hope you do something about it. Otherwise, I will be the one doing something about it. It’s as simple as that,” suno kay Matibag.#