Ginpanginwala sang Malacañang nga nahibaluan ni President Ferdinand “Bongbong” Marcos Jr. ang ginapahayag nga “leadership fund” nga ginbulgar ni former Public Works Secretary Manuel Bonoan.
Sa amo nga pondo, ginapahayag nga naka-secure ang mga senador sang tubtub sa P1-billion kada isa para sa infrastructure projects.
Suno kay Presidential Communications Office (PCO) Undersecretary Claire Castro, indi pagtugutan ni Marcos ang amo nga sistema kon nahibaluan niya nga nagakatabo ini.
“Kung alam ng Pangulo, hindi mangyayari iyan, ‘di ba? Parang teacher, kapag kayo’y nangopya, ipapaalam ninyo ba sa teacher ninyo? ‘Pag nahuli kayo ng teacher, anong gagawin ng teacher? Eh ‘di ba bibigyan kayo ng penalty. So, ‘yun na lang, kung alam ng Pangulo iyan, hindi niya iyan i-to-tolerate at hindi iyan mangyayari. Pero, mga ganito kasing usapan, minsan lihim,” suno kay Castro.
Ginpahayag man sang PCO official nga wala sang nahibaluan si Public Works Secretary Vince Dizon parte sa ginapatihan nga arrangement bangud indi pa ini ang nagapanguna sa DPWH sang natabo ang amo nga sistema.
Suno pa kay Castro, wala sang mangin “leadership fund” sa proposed 2027 national budget.
“No leadership fund under 2027 budget. All projects proposed in the 2027 DPWH budget are based on the needs of the local and regional government. And if needed, secured clearance from the Regional Development Council to ensure that this benefits the people. Only projects that have completed the documentary requirements, such as plans and programs, are submitted to ensure compliance with DBM guidelines, so mahigpit po ang DBM,” suno sa iya.
“Kung nangyari po ito sa panahon noon, hindi po ito mangyayari sa ngayon,” dugang sini.
Matandaan nga sa hearing sa Sandiganbayan sang Miyerkules, ginsiling ni Bonoan nga nakabaton ang mga senador sang infrastructure allocations nga nagalab-ot sa isa ka bilyon ka pesos ang kada isa sa idalom sang ginatawag nga “leadership fund” sang panahon ni former Senate President si Senator Juan Miguel Zubiri.
Ginpanginwala naman ni Zubiri ang alegasyon.
Sa iya pahayag sa plenaryo, ginsiling sang senador nga ang mga pangabay para sa mga proyekto ginadiretso sa Senate Finance Committee kag wala siya nagahupot sang listahan sang mga request para sa proyekto sang iya mga kaupdanan nga senador.
Nahibaluan nga nagaatubang si Bonoan sang mga kaso nga plunder kag graft sa Sandiganbayan may kaangtanan sa ginapatihan nga kickbacks sa flood-control projects.
Una na nga ginmandu sang anti-graft court ang pag-aresto kay Bonoan may kaangtanan sa P573-milyon nga plunder case, apang ginpasugtan siya sang korte nga magpabilin sa idalom sang hospital arrest.#
