Indi magnubo sa 157 ka mga indibidwal ang napatay sa nagluntad nga flashflood sa Nepal kag Tibet.
Base sa report, 95 ka bangkay na ang narekober sang mga recue team, samtang madamo namna ang ginapangita pa sang awtoridad.
Lakip sa mga nadula ang indi magnubo sa 341 ka mga turista, dala na diri ang indi magnubo sa 100 nga mga Indian, 12 ka mga british kag tatlo ka American.
Ginapatihan nga nag-umpisa ang kalamidad sa pag-collapse sang yelo kag mga bato.
Nahibaluan nga may ara sang nagluntad nga magnitude 4.4 nga linog antes paman ang insidente.
Nagpaandam naman ang eksperto nga may posibilidad pa nga may ara sang dalagkuan nga pagbaha bangud sa mga debris nga nakabara sa mga suba sa upstream area.
Padayon pa sa karon ang ginapatigayon nga search-and-rescue operations sa naapektuhan nga lugar.
