Ginpahanugutan ni Education Secretary Sonny Angara ang optional nga pagsuksok sang uniporme sang mga estudyante bangud sa epekto sang El Niño nga ginalauman magapadayon tubtob sa masunod nga tuig.
Ginpahayag ini sang tiglikom kadungan sang Senate budget hearing kahapon nga adlaw, Oktubre 16.
“Ay hindi na po kailangan mag-uniform, ‘yung formal, puwedeng mag-sando na lang or anything basta medyo dignified ng konti kasi alam namin na mainit sa loob ng classroom,” pahayag sini sa isa ka interview.
Ang ini nga lihok ang may kaangtanan sa mando ni President Bongbong Marcos Jr. sa mga ahensiya sang gobyerno nga magpreparar para sa pinakamalala nga epekto sang Super El Niño.
Suno naman kay Science Secretary Renato Solidum, ini nga El Niño ginalauman nga magadala sang drought ukon “very dry conditions” sa halos tanan nga mga probinsya sa katapusan sang Marso 2027.
Apang magadepende ang epekto sini sa rainfall level sa nagakalain-lain nga bahin sang lugar.
Dugang pa ni Angara, kun magalab-ot ang temperatura sa 40 degrees ukon mas mataas pa, gilayon nga suspendihon ang klase bag-o pa makabatyag ang mga estudyante sang palanakit sang ulo ukon maka-eksperyensya sang nosebleeds.
