Ginpirmahan na subong nga Martes, Oktubre 20, 2026 ang Comprehensive Iloilo City Local Housing Code of 2026 ukon ang Pasilong Code of 2026 ni Mayor Raisa Treñas agud mangin permanente nga polisya.
Suno sa nasambit nga code, nagahatag ini sang klaro kag permanente nga polisya agud mangin organisado ang pag-implementar sang house programs.
“With the PASILONG Code now signed, may ara na kita sang klaro kag permanente nga framework para sa aton housing programs, from beneficiary selection to the development of sustainable housing communities,” pahayag ni Treñas.
Kaangut sini, indi lamang paghatag sang balay kundi lakip man ang security of tenure, livelihood kag skills training, pag-organisar sang Homeowners Associations, kag access sa edukasyon, healthcare kag iban pa nga basic services.
Ang ini nga programa, nagalatag sang guidelines sa pagpili sang mga benepisyaryo nga nagahatag sang prayoridad sa mga pamilya nga nagaistar sa danger zones, mga apektado sang government infrastructure projects kag court-ordered eviction kag mga vulnerable sectors kaangay sang persons with disabilities (PWDs), senior citizens kag solo parents.
Text by: Bombo Paula Yvonne Alavarta
