Nagpalab-ot sang mensahe sang kalisod kag simpatiya si Defense Secretary Gilberto Teodoro Jr., kasunod sang insidente nga gintunaan sang kamatayon sang apat ka mga piloto sa sulod sang Fernando Air Base sa Lipa City, Batangas, sang nagligad nga Oktubre 23.
Ini matapos nga nagbungguanay ang duha ka SF-260 aircraft sa kahawaan sa idalom sang ila training flight.
Sa nasambit nga hitabo, patay ang duha ka 1st lieutenant, isa ka kapitan kag isa naman ka major.
Sa subong, nagapadayun pa ang imbestigasyon sang mga awtoridad agud mahibaluan ang rason sang insidente.
Nahibaluan nga nagpalab-ot naman sang pagpakig-unong ang Philippine Air Force sa pamilya kag nabilin nga mga pinalangga sa kabuhi sang nagtaliwan nga mga piloto.
