Kritikal ang kahimtangan sang isa ka misis matapos ginluthang sang iya live-in partner nga empleyado sang Bacoor City Traffic Management Department sa Sitio Malagihay, Barangay Panapaan 3, Bacoor City.
Ang suspek amo si alyas “Michael,” 45-anyos, nga ginapangita na sang kapulisan matapos nalagyo.
Ang biktima amo si alyas “Normita,” 37-anyos.
Suno sa imbestigasyon, nag-inaway ang suspek kag ang biktima samtang nagaupod nga nagapauli sang alas-3:15 sang kaagahon.
Pag-abot sa ila balay, naglala pa ang ila pagbinaisay tubtob nga nakabati sang lupok sang armas ang ila mga kaingod.
Madasig nga nalagyo ang suspek matapos ang krimen.
Ginbululigan naman nga madala ang biktima sa Las Piñas District Hospital kag padayon nga ginabantayan sang mga doctor ang iya kondisyon.
