Ginapakamalaot subong si Israeli Prime Minister Benjamin Netanyahu matapos kwestyunon sang iya nga kampo ang resulta sang eleksyon sa Israel sadtong Oktubre 27, 2026.
Gin-akusaran sang iya nga kampo ang mga Partido Arab na Joint List kag Ra’am nga gina-alegar may natabo nga pagpanuhol kag nagbaton sang illegal nga pondo halin sa iban nga pungsod.
Sa subong, wala pa sang may ginpagwa nga nagakaigo nga ebidensya agud pamatud-an ini nga akusasyon.
Suno sa Central Elections Committee, wala sang basehan ang alegasyon sang lapnagon nga pagpandaraya kag insakto nga ginpatigayon ang eleksyon.
Samtang, ginpunto sang oposisyon nga tinutuyo lamang sang akusasyon amo nga pahinaon ang kredibilidad sang partidong Arab kag balabagan ang possible paghimo sang bag-o nga koalisyon batok kay Netanyahu.
Bangud wala sang may nakakuha sang kinahanglanon nga majority sa parliamentary, nagapabilin nga indi sigurado ang mangin komposisyon sang masunod nga gobyerno sang Israel.
