Wala ginbaton sang Korte Suprema ang petisyon ni anay House Speaker Martin Romualdez batok sa Office of the Ombudsman.
Sa ginpatigayon nga En Banc Session, ginbasura sang Korte Suprema ang iya petition for certiorari nga nagakwestyon sa ginpatigayon nga preliminary investigation, aplikasyon para sa preliminary hold departure order, kag freeze order sang Ombudsman batok sa iya.
Ginbasura man sang korte ang iya pangabay nga magpagwa sang Temporary Restraining Order (TRO) agud mapunggan ang Ombudsman sa pagpadayon sang preliminary investigation.
Suno sa Korte Suprema, wala na sang kinahanglan nga desisyunan ang petisyon bangud nangin moot and academic na ini.
Ini matapos nga napasaka na sa Sandiganbayan ang kaso nga plunder batok kay Romualdez kag na-arraign na man siya sa amo nga kaso.
