Liwat nga nagapanawagan ni Senador Risa Hontiveros si Senador Ronald “Bato” dela Rosa nga mag-surrender kag atubangon ang mga alegasyon nga ginapangatubang sini sa International Criminal Court (ICC) kaangot sang war on drugs sang administrasyon ni anay President Rodrigo Duterte.
Suno kay Hontiveros, wala nagbag-o ang iya nga panawagan kay Dela Rosa nga atubangon ang layi kag sabton ang mga kaso nga ginapangatubang sini sa local kag international state.
Nahibaluan nga nagapanago si Dela Rosa halin sang bulan sang Mayo subong nga tuig matapos magpagwa sang arrest warrant batok sa iya kaangot sa imbestigasyon sang war on drugs.
Samtang, ginapahayag ni National Bureau of Investigation Director Melvin Matibag nga possible nga magpatigayon sila sang operasyon sa mga ginapahayag ginataguan sang senador base sa ila nahibaluan nga intelligence reports.
Wala pa mahibaluan ni Matibag kun sa Mindanao si Dela Rosa.
