Patay ang isa ka amay nga isa ka construction worker sa Muntinlupa City matapos ini nga ginsaputi kag ginbakol sang pila ka mga indibidwal.
Suno sa reports, ginlagas lang sang 31-anyos nga amay ang rider nga naka-hit and run sa iya anak nga 7 years old, apang didto sya kag ginpulihan sang mga kaupdanan sang rider.
Nahibaluan nga base sa imbestigasyon sang kapulisan, una nga ginpahayag nga nabagok lang ang suspek nga gintunaan sang kamatayon sini, apang napamatud-an nga ginbakol ang biktima sang matig-a nga bagay.
“Nung unang report sa amin is allegedly, nabagok lang ito dun sa pagtakbo niya, but then with thorough investigation it turned out na pinalo pala, pinalo na ng mga suspek itong biktima po natin,” suno kay Muntinlupa Chief of Police P/Col. Olivia Ancheta.
Yara naman sa mayo nga kahimtangan ang anak sang biktima nga na-hit and run matapos ini nahatagan sang nagakaigo nga pagbulong.
Nahibaluan man nga sa bulig sang mga testigo, nakilalal-an na ang mga indibidwal sa likod sang krimen kag ang rider, apang padayun pa ang mga ini nga gina-ayam.
“Mula po doon sa ating mga witnesses na nagmalasakit sa biktima ay na-file-an na po natin ‘yung tatlong suspect po dito ng murder. Pinag tulong-tulungan po nila itong victim po natin. Pinagpapalo nila, pinagsusuntok. So talagang may intensyon po na patayin ang ating biktima,” ginpakigbahin man ni Anacheta.
Nagapangayo naman sang hustisya kag bulig pinansyal ang utod sang biktima ilabi na nga may nabilin ini nga tatlo ka kabataan.
“Maliliit pa po yun, tatlo ‘yung naiwan. Wala naman pong hanapbuhay ‘yung asawa. Ang kapatid ko lang po yung naghahanapbuhay…kaya sa mga gustong tumulong, ‘yun lang po ang pinapakiusap ko,” suno sa utod sang biktima.
