Ginsuspende sang Land Transportation Office (LTO)-6 sa sulod sang 90 ka adlaw ang driver’s license sang taxi driver nga nag-viral matapos makita sa video nga naghana labu sa isa ka motorcycle rider gamit ang binangon sa Barangay Ungka, Jaro, Iloilo City.
Gin-issue ni LTO-6 Regional Director Atty. Gaudioso P. Geduspan II ang suspension order kahapon, Nobyembre 12, isa ka adlaw matapos ang insidente.
Base sa police report, ginaalegar nga gin-cut off sang taxi driver ang motorsiklo nga amo ang nagtuga sang mainit nga komprontasyon sa tunga sang duha ka driver.
Samtang, gindagdagan man sang LTO-6 sang separado nga Show Cause Order ang driver kag ang taxi operator, agud magpaathag sang ila nga bahin kag kon ngaa indi sila dapat mapasakaan sang dugang nga administrative ukon legal action.
Text by: Bombo Glenette Delit
