Nagpakigbahin ang mga miyembro sang Philippine National Police (PNP) sa ginapatigayon nga Dugong Bombo 2026 sang Bombo Radyo Iloilo sa Iloilo Science and Technology University (ISAT-U) sa La Paz, Iloilo City, agud makabulig sa dugang nga suplay sang dugo para sa mga nagakinahanglan sini.
Sa interview ang Bombo Radyo kay Dr. Allen Camering, Chairman sang Battalion Advisory Group for Police Transformation and Development sang Regional Mobile Force Battalion 6, daku ang ila kalipay nga mangin kabahin sang programa nga nagahatag sang oportunidad nga makabulig sa pagluwas sang kabuhi paagi sa pagdonar sang dugo.
Suno sa iya, may yara sang 25 ka PNP personnel nga nagpakigbahin halin sa lima ka maneuver companies sang Regional Mobile Force Battalion 6.
Dugang pa niya, nagpakita man sang suporta ang mga kapulisan halin sa nagkalain-lain nga police units sa Region 6, lakip na ang mga yara sa malayo nga mga banwa nga may tagsa ka blood donation quota.
