Nagaka-eksperyensya sang kabudlayan subong ang Bangko Sentral ng Pilipinas bangud sa padayon nga mataas nga inflation kag mahinay nga pag-uswag sang ekonomiya sang pungsod.
Suno sa BSP, ginatun-an na sini ang epekto sang mahinay nga pag-uswag sang ekonomiya nga may kaangtanan sa money policy.
Base sa datos, 2.1% lamang ang nadugang sang Gross Domestic Product (GDP) sang pungsod sa ikatatlo nga quarter sang 2026, nga amo ang pinakamahinay sa sulod sang masobra 16 ka tuig, magluwas sang tion sang pandemya.
Isa sa mga nagapanguna nga rason sini amo ang pagnubo sang gastos sang mga konsumidor kag investment bangod sa padayon nga pagsaka sang presyo sang mga balaklon.
Sang nagligad nga bulan, ginpataas sang BSP sa 5.5% ang policy rate agud mapunggan ang pagsaka sang inflation kag mapabilin ang ikasarang sang publiko sa pagbakal sang ila mga nagapanguna nga kinahanglanon.
