Ginkumpirma ni Department of Migrant Workers (DMW) Secretary Hans Leo Cacdac nga luwas ang tanan nga 17 ka Pilipino nga seafarer nga sakay sang tanker nga nabunggoan sang isa ka pampasahero nga barko sa Mississippi River, malapit sa Port of New Orleans.
Wala sang Pilipino nga tripulante nga napatay sa insidente.
Padayon naman ang koordinasyon sang DMW sa Embahada sang Pilipinas sa Washington, D.C., Consulate sa Houston, kag sa manning agency agud masiguro ang kahimtangan sang mga nasambit nga Pilipino.
Ginapasiguro man sang ahensya nga mahatagan ang mga ini sang ila kinahanglanon nga bulig.
Suno man sa mando ni President Ferdinand Marcos Jr., ginatinguhaan sang gobyerno nga masiguro ang ila seguridad sa ila pagpauli sa Pilipinas.














