Nagpangayo sang pasaylo si Indonesian President Prabowo Subianto sa mga pungsod Singapore kag Malaysia bangod sa epekto sang haze halin sa mga nagakasunog nga kagulangan sa ila nga pungsod.

Nagpromisa man siya nga padayon nga magahimo sang strict guidelines ang ila gobyerno batok sa mga kompanya nga may kaangtanan sa sunog.

Nagaplano man ang Indonesia nga magtukod sang bag-o nga ahensya agud mapapag-on ang pagpugong kag paglikaw sa mga sunog sa kagulangan.

Ginpahayag ni Prabowo ang iya pagpangayo sang pasaylo sa isa ka meeting sang ASEAN.

Suno kay Philippine Foreign Affairs Secretary Ma. Theresa Lazaro, prangka nga gin-athag sang Indonesia ang mga tikang nga ila ginahimo agud masolbar ang problema.

Gina-engganyo man sang mga lider sang ASEAN ang mga pungsod nga miyembro sini nga pasangkaron ang kasugtanan para sa mas maayo nga pagkontrol sang polusyon nga dala sang aso nga nagalapta sa nagkalain-lain nga pungsod.