Ginapabutyag sang Sangguniang Bayan sang Janiuay, Iloilo ang ila handum nga makilala ang banwa bilang Capital sang probinsya sang Iloilo pinaagi sa pagpasar sang Resolution No. 2026-440 nga nagapangabay sa Provincial Government nga kilalahon kag ideklara ang Janiuay bilang provincial capital.
Sa nasambit nga resolution nga unanimously approved sang November 9, 2026, ginpangabay ang mga lokal nga opisyal sa Iloilo Provincial Government, pinaagi sa Sangguniang Panlalawigan, nga hatagan sang pormal nga recognition ang Janiuay bangud sa iya historical significance, strategic geographical location, cultural heritage, kag kontribusyon sa political, economic, kag socio-cultural development sang probinsya.
Sandig sa resolution, isa ang Janiuay sa pinakadaan kag makasaysayan nga mga banwa sa Iloilo nga may dako nga papel sa paghulma sang political landscape kag governance traditions sang probinsya halin pa sang Spanish colonial period.
Ginakabig man ang Janiuay bilang isa ka key administrative kag cultural center sa interior sang Iloilo, nga nagserbe anay nga central hub nga naga-connect sa coastal areas kag upland municipalities.
By: Bombo Lynd-C Bade














