Arestado ang isa ka high value individual sa ginpatigayon nga drug buy-bust operation sang City Drug Enforcement Unit (CDEU), sa bulig sang Iloilo City Police Station 8 – Station Drug Enforcement Team sa Barangay Don Esteban, Lapuz, Iloilo City, pasado alas 7:15 sang gab-i, Nobyembre 18, 2026.

Ang suspek ang ginkilala kay Alyas Inday, 25 anyos kag residente sang nasambit nga barangay.

Nakumpiskar sa operasyon ang masobra 500 grams nga ginapatihan shabu nga nagabalor sang kapin ₱3.5 million.

Narekober man ang 15 ka heat-sealed plastic sachets kag 7 ka knot-tied plastic bags nga may unod nga suspected shabu, lakip na ang buy-bust item kag buy-bust money.

Sa karun, yara na sa kustodiya sang ICPS 8 ang suspek kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.

Text by: Bombo Glenette Delit