Naglab-ot sa P148.38 milyon ang balor sang illegal drugs kag expired regulated medicines nga gin pangsunog sang Philippine Drug Enforcement Agency (PDEA) sa thermal facility sang Panay Energy Development Corporation sa Brgy. Ingore, La Paz, Iloilo City subong nga adlaw, Nobyembre 19, 2026.

Nag-upod sa aktibidad si Police Regional Office 6 Regional Director PBGen Randulf T. Tuaño, kung sa diin ginpangsunog paagi sa thermal treatment ang kapin 21.7 grams nga shabu nga nagabalor sang P148,170,324.48 milyon, 19.9 grams nga marijuana nga naga balor P2,388.70, kag mga expired regulated medicines nga nagabalor sang PhP215,172.30.

Ang nasambit nga mga droga gin-turn over sang nagkalain-lain nga Regional Trial Courts sa Iloilo City, Iloilo Province kag Bacolod City, lakip ang PNP Regional Forensic Units.

Ginpahayag nga kabahin ini sang pagpatuman sang Section 21 sang Republic Act 9165 agud masiguro ang husto kag transparent nga pag-dispose sang mga drug evidence.

Photo Courtesy: PRO6

Text by: Bombo Glenette Delit