Nagpanawagan si President Ferdinand “Bongbong” Marcos Jr. sang mga tikang agud malikawan ang illegal, unreported, kag unregulated fishing kadungan sang 33rd APEC Economic Leaders’ Meeting.

Suno sa Presidential Communications Office, ginpunto man sang presidente ang paggamit sang artificial intelligence (AI) agud mapauswag kag mapabakod ang mga magamay nga negosyo.

Ginsuportahan man niya ang pagtukod sang isa ka ginapabilin nga ekonomiya nga gina-atipan ang manggad sang kadagatan, pati na ang pagpalig-on sang patas kag nagakaigo nga business system.

Gin-angganyo man ni Marcos nga may ara sang konkreto nga resulta ang mga diskusyon sa APEC nga makahatag sang trabaho, mas maayo nga serbisyo sa ikaayong lawas, kag preparasyon sa mga pagbag-o sa populasyon.

Samtang, pormal nga ginpirmahan sang Pilipinas kag Chile ang Comprehensive Economic Partnership Agreement agud dugang nga mapabakod ang pagbinuligay kag pagnegosyo sang duha ka pungsod.

Nagpakigkita man si Marcos kay Peruvian President Keiko Fujimori agud istoryahan ang posibilidad nga magtukod sang joint trade commission kag palaparon pa ang pagnegosyo sang duha ka pungsod.

Ginkasugtan man sang duha ka lider ang pagbinuligay sa pag-atipan sang palibot kag pagpanghanda sa mga kalamidad bangod sa peligro nga dala sang super El Niño nga mahimo makaapekto sa tagsa ka pungsod.