ILOILO CITY- Nagamantinir na lang sa gamay nga kita ang mga ambulant vendors nga masami nga nagapwesto sa atubang sang mga eskwelahan sa Iloilo City.
Sa interview sang Bombo Radyo kay Rowena Matinagnos, ambulant vendor nga nagabaligya sa gwa sang University of Iloilo, iya ginpahayag nga katunga gid sang ila naandan nga kita ang nadula sa ila bangud wala sang klase ang mga estudyante.
Kasunod ini sang executive order ni Mayor Jerry Treñas nga naga-suspend sang klase sa tanan nga lebel sa Iloilo City may kaangtanan sa tuman kainit nga tiyempo.
Suno kay Matinagnos, nagalaum ini nga ma-resume na ang klase agud mabalik naman sa normal ang ila kita sa matag-adlaw.
