Ginkumpirma sang Samahang Basketbol ng Pilipinas (SBP) nga nag-resign na ang head coach sang Gilas Pilipinas boys nga si Josh Reyes matapos ang masobra anum ka tuig nga pagtinir sa pwesto.
Bisan nagpanaog ini sa posisyon sa national team sang youth program, magapadayon ini sa pag-serbe sa seniors team bilang kabahin sang coaching staff ni coach Tim Cone.
Katapusan nga nakaupod si Reyes sa Gilas Boys sang nagpang-10 sila sa Fiba Under-18 Championship kag naghampang nga wala ang star player nga si Andy Gemao bangud sa hand fracture.
Siya man ang nag-coach sa team nga wala gid sang gindag-an sa 2024 FIBA Under-17 World Cup sa Istanbul, Turkiye kag amo ang ginkabig worst team sa tournament matapos nga wala man nakahampang si Kieffer Alas antes mag-umpisa ang sambuwa bangud sa injury.
Assistant coach siya sa program sang 2017 kag na-promote para sa U18 Asian Championship. May duha man siya ka historic Fiba World Cup appearances para sa Gilas boys.
Suno kay Reyes nga anak ni anay Gilas men coach Chot, nagdesisyon siya nga magbiya sa pwesto para mahatagan sang dugang nga tiyempo ang iya pamilya.
“I’m proud of those achievements but I’m more proud of the relationships I’ve built with our teams. Seeing them succeeding in their basketball careers and being better individuals after their Gilas Youth service outweighs anything that we achieved on the court,” pahayag ni Reyes.
Natalana pa nga gina-anunsyo ang masunod nga magabulos sa iya sa posisyon.
“We thank coach Josh for helping us streamline our processes as this will be valuable to the program moving forward. The focus remains to be continuity and synergy with Gilas Men and a stronger connection with our current grassroots program under coach Norman Black,” kabahin sang statement sang SBP.#
