Ginpahalin na sang Sacramento Kings ang ila head coach nga si Mike Brown.
Lima ka sunod-sunod nga kalutusan ang naangkon sang Kings sa hampang sa ila mismo homecourt kag nagapang-12 sila subong nga season sa Western Conference.
Base sa reports, si assistant coach Doug Christie ang magabulos apang sa interim basis lamang.
13-18 ang record sang Sacramento subong kag nalutos pa, 114-113, sa kamot sang Detroit Pistons sang nagligad nga Huwebes.
Sang 2023, matandaan nga ginboto si Brown bilang NBA Coach of the Year matapos ginpangunahan sini ang Kings nga maka-abante sa Western Conference playoffs sa labing-una nga tion sa sulod sang 16 ka tuig.
Sang Hunyo, nahatagan siya sang tatlo ka tuig nga contract extension.
Antes sa Kings, naka-coach siya sa Cleveland Cavaliers kag Los Angeles Lakers kag nangin assistant coach kay Steve Kerr sa Golden State Warriors.
