Ano ni Mary Grace si Renan Piatos? ‘I don’t want to speculate’ —Poa

Indi magkumpirma ang defense team kun bana ukon ano man ang relasyon ni “Mary Grace Piattos” kay “Renan Piatos.”

Suno kay defense team spokesperson Michael Poa, indi man niya personal nga kilala ang natungdan gani nga indi siya makahatag sang espekulasyon.

“I don’t want to speculate, Ma’am,” sabat ni Poa sa press briefing sang ginpamangkot ini sa iya. “I don’t know her personally. I cannot speculate.”

Ini nga mga pangalan ang kabahin sa mga nagtuhaw nga mga nagpirma sa acknowledgment receipts sang confidential funds sang Office of the Vice President (OVP).

Nalawagan sila sa ika-11 nga adlaw sang impeachment trial ni Vice President Sara Duterte.

Ginpahayag ni Poa nga ang ngalan ni “Mary Grace Piattos” naggwa lamang sa mga congressional hearing, gani mas maayo nga hulaton anay ang mga ebidensya nga ipresentar sang Commission on Audit (COA).

Matandaan nga una na nagguwa sang 2024 hearing sa Kamara ang pangalan ni “Mary Grace Piattos” nga wala man sa government records.

Kahapon naman ginpakita sang prosecution ang acknowledgement report sa confidential fund expenditures sang OVP nga pirmado man sang certain Renan Piatos nga naka-spell nga may single “T.”#