Nasapwan nga nagalutaw kag wala na sang kabuhi sa Calapan Port Terminal, Mindoro ang isa ka Antiqueño nga crew sang isa ka passenger vessel.
Ang biktima amo si Cyril Quingco, 25- anyos, residente sang Barangay Buluangan I, Valderrama, Antique.
Nahibaluan nga nagapatigayon si Quingco sang iya isa ka tuig nga apprenticeship sa barko.
Siya ang naggradwar sa kurso nga Bachelor of Science in Marine Engineering sa University of Antique – Main Campus sang Hulyo 16,2024.
Padayon pa ang imbestigasyon sang otoridad sa kun ano ang natabo antes ang insidente sang pagkasapo sa iya lawas.
Sa inisyal nga impormasyon, ginpahayag nga nahulog ini sa barko.
