ILOILO CITY – Ginpangguba sang Ukraine ang anum ka advanced Russian hypersonic missiles sa isa ka gab-i nga pag-ulan sang missiles kag drones.
Suno kay Defense Minister Oleksiy Reznikov, magluwas sa anum ka mga Russian hypersonic Kinzhal missiles, natigayon nga mapangguba sang Ukraine ang 12 ka iban pa nga mga missiles.
Naggwa ang statement opisyal isa ka semana matapos ginpahayag sang Ukraine nga ginguba man sini ang una nga Kinzhal hypersonic missile gamit ang supplied systems nagikan sa Estados Unidos.
Ginpahayag sang Kyiv nga ginguba sini ang 18 ka mga missiles kag siyam ka drones nga ginlunsyar sang Russia.
Ang Kinzhal missile nga gin-unveil sang 2018 ang ginlaragway ni Russian President Vladimir Putin nga isa ka ideal weapon nga mabudlay nga gub-on.
Una na nga nag-apelar ang sa mga kaalyado sini nga pabaskugon pa ang air defenses kasunod sang pagpang-atake sang Russia.
Nabaton sang Kyiv ang pinakauna nga United States Patriot air defense system sa tunga-tunga sang Abril nga amo ang nagguba sang una nga Kinzhal missile.
