Nagsulod na sa Philippine Area of Responsibility ang Bagyo Francisco ukon Tropical Storm Mekkhala, alas-10 sang gab-i, Hunyo 20.
Ini amo ang base sa ginpaguwa nga statement sang Philippine Atmospheric, Geophysical and Astronomical Services Administration (PAGASA) Weather Specialist nga si Obet Badrina.
Suno kay Badrina, ekspektarun nga mangin magal-umon subong ang panahon kun sa diin may dala man ini nga kilat kag pagdaguob ilabi na sa Eastern Visayas kag sa nasidlangan nga bahin sang Mindanao.
Ginpakigbahin man niya nga posible nga igapaidalom man sa Tropical Cyclone Wind Signal ang pila ka mga lugar sa pungsod, sa tion nga magpalapit na gid ang bagyo sa Pilipinas.
Dugang pa ni Badrina, ginalantaw nga posible na nga makaguwa sa Huwebes ukon Byernes ang nasambit nga bagyo.
