ILOILO CITY – Indi magnubo sa P200,000 ang halit nga gintuga sang sunog sa Sitio Pangpang Sapa, Brgy. Balantang, Jaro, Iloilo City.
Sa interview sang Bombo Radyo kay Senior Fire Officer 1 Edison Gimotea, arson investigator sang Bureau of Fire Protection (BFP), iya ginpahayag nga tatlo ka mga balay ang naupos lakip na ang lima ka unit sang computer nga nahamtang sa balay ni Roberto Costanilla.
Ginapahayag nga electrical overload ang ginhalinan sang sunog sa ikaduha nga panalgan sang balay ni Costanilla kag naglaton lang sa mga kaiping nga panimalay.
Madasig nga naglapta ang kalayo suno kay Gimotea bangud nga suludlon kag ikit-ikit ang mga balay sa lugar.
Sa kapin duha ka oras sunog, isa ka tawo ang napilasan.
