ILOILO – Nasapwan ang bangkay sang isa ka lalaki nga yara na sa state of decomposition sa baybayon sang Brgy. Sapa, Miag ao, Iloilo.
Ang lalaki ginkilala si Leo Antonino 21 anyos, residente sang Brgy. Camambugan San Joaquin, Iloilo.
Sa interview sang Bombo Radyo kay Police Staff Sgt. Dorothy Gelasan sang Miag ao Municipal Police Station iya ginpahayag nga sang gintalikdan pa nga Setyembre 29 nadula ang biktima sang ini ang naglumpat sa ginasakyan nga sakayang pandagat sa Brgy. Kirayan Sur Miag ao, Iloilo.
Nahibaluan nga yara sa impluwensya sang makahululubog nga ilimnon ang biktima sang ini ang naglumpat.
