Iloilo – Gin-athag sang Barangay Secretary sang Barangay Bugtongan, Dueñas, Iloilo nga indi ini makapagwa insigida sang Certificate to File Action kun wala napaagi sa insakto nga proseso.
Sa interview sang Bombo Radyo kay Gemma Arañador, Secretary sang nasambit nga barangay, iya ginpahayag nga indi maka-release ang barangay sang Certificate to File Action bangud wala ini sang rekord nga basehan.
Suno kay Arañador, kinahanglanon anay ni Pedregosa nga mag-secure sang endorsement letter halin sa mga kapulisan, kag mahimo magtambong sa tatlo ka hearing sang barangay antes ang release sang sertipiko.
Sa subong, hugot nga ginpanindugan ni Arañador nga indi ini mag-release sang Certificate to File Action kun wala ginasunod ang pagsulundan sa barangay.
