Makaluluoy ang gindangatan sang duha ka tuig nga bata nga napatay matapos ginkastigo kag nabun-an sang naumid sa away sang iya nga iloy kag live-in partner sini sa Lubao, Pampanga.
Base sa imbestigasyon, nag-away ang iloy kag live-in partner bangud sa pagpangimon.
Ginkuga kag ginakastigo sang suspek ang iloy sang biktima.
Nakapalagyo ang iloy apang nabilin ang iya nga anak gani ini ang ginpaukpan sang suspek.
Pagbalik sang iloy sa balay, wala na sang pangalibutan ang bata.
Sang ginhakwat niya ang bata, ginbuno sang suspek ang iloy sa butkon kag nabun-an man sa tiyan ang bata nga gindala gilayon sa ospital apang gindeklarar nga dead on arrival.
Nalagyo ang suspek apang nadakpan man sang otoridad.
Nag-ako ini nga nakainom sila sang iloy sang biktima antes ang insidente.
Mangatubang ini sang kaso nga homicide, frustrated homicide kag paglapas sa Anti-Violence Against Women and their Children Act.
