Nag-sorry na si Senator Ronald “Bato” Dela Rosa kay Akbayan Representative Perci Cendaña matapos niya ini gin-insulto nga kiwi ang itsura.
Isa ka stroke survivor si Cendaña kag wala-tuo nga pagpakamalaot ang ginhaboy batok kay Bato kasunod sang iya komento ilabi na sang nagpamahog pa ini nga sumbagon si Cendaña sa pihak nga parte sang iya nawong agud magbalanse ang iya itsura.
Ginhimo ni Bato ang amo nga pahayag bilang balos sa statement sang kongresista kaangot sa impeachment ni Vice President Sara Duterte.
Sini nga weekend, nag-post ang senador nga nakahibalo siya nga madamo ang naakig sa iya bangud sa iya mga tinaga nga indi maayo kag nakasakit sang balatyagon sang iban. Nagpangayo ini sang pasensya partikular kay Congressman Cendaña kag nagsiling nga naga-wish siya para sa maayo sini nga ikaayong-lawas.
Suno pa sa long-time Duterte ally, wala siya sang excuse sa iya ginhimo kag ginaako sini ang responsibilidad sa iya nabuy-an nga pahayag.
Yari ang statement:
“The past few days have weighed heavily on Filipinos, especially sa aming mga Mindanaoans at ibang Cebuano speaking people. Maraming nagalit, at dahil sa nag-empathize ako sa galit nila, nakapagbitiw ako ng mga salitang hindi maganda at nakapanakit ng damdamin ng iba. I apologize for what I said and did, particularly in failing to see the bigger picture… My apologies to Congressman Perci Cendana for my offensive comments on his person. I wish him good health. I make no excuses and I take full responsibility for the hurt my words have caused.”
Nagsabat naman ang Akbayan representative nga ginabaton sini ang sorry ni Bato apang kuntani mangayo man ini sang pasensya sa tanan nga stroke survivors nga nasaklaw bangud sa iya pahayag. Kuntani mangin leksyon ini suno sa iya nga ang matuod nga lider ang wala lamang sang gahum kundi may yara man sang pag-ulikid sa iban.
Ginhangkat man sini ang senador nga magbalik na sa matuod nga away nga amo ang away sang mga ebidensya kaangot sa mga ginaalegar pagpang-abuso sang bise-presidente.
Yari ang statement sang congressman:
“I welcome Senator Bato’s apology. I hope he can also do the same to all stroke survivors who were hurt by his remarks. Hindi tayo balat sibuyas, pero ibang usapan when a public servant of such high position uses his voice to threaten people with violence and discriminate people with health concerns.
Nawa’y magsilbi itong mahalagang aral, na ang tunay na lider ay hindi lamang may kapangyarihan kundi may malasakit, to keep our political discourse rationale and humane, at ang panawagan ng pananagutan ay hindi personal na atake kanino man kundi responsibilidad ng lahat ng mamamayan.
Oh siya, balik na tayo sa totoong sapakan—sapakan ng mga ebidensya ukol sa pang-aabuso at pandarambong ni Sara.”
Nahibaluan nga antes ini nga statement, indi lamang netizens kag mga political figures ang nagsaway sa ginhimo ni Bato kundi mangin ang grupo sang mga doctor kag health advocates.
