Madinalag-on nga nakabalik sa kalibutan ang bilyonaryo nga negosyante nga si Richard Branson matapos nagbyahe sa space sakay sa iya rocket-powered plane.
Si Branson ang founder sang Virgin Group, nga nagakontrol subong sang masobra 400 ka mga kumpaniya sa kalibutan nga ginalakipan sang music, retail, kag transport.
Siya man ang labing-una nga billionaire nga nakapadulong sa space sakay sa spacecraft nga ginbuligan man niya sa pag-fund.
Nalab-ot sang 70-anyos nga bilyonaryo ang altitude nga 53.5 miles (86 kilometers) halinsa New Mexico desert — bastante na agud maeksperyensyahan ang tatlo tubtob apat ka minutos nga paglutaw-lutaw sa kahanginan. Ginakabig naman nga “magical” kag “experience of a lifetime” ang natabo kag bunga sang 17 ka tuig nga pangabudlay nga mahuman ang spacecraft.
“The whole thing, it was just magical,” pahayag ni Branson. Magluwas kay Branson, may duha pa ka piloto kag tatlo ka mission specialist sa amo nga byahe nga lunsay man halin sa iya Virgin Galactic space-tourism company.
