ILOILO – Ipanagtag na sang Provincial government ang na delay nga cash assistance sang mga biktima sang bagyo nga Urusula sa Northern Iloilo.
Sa interview sang Bombo Radyo kay Iloilo Governor Arthur Defensor Jr., iya ginpahayag nga nagsugod na ang cash for work para sa mga biktima kag sa indi magdugay mapanagtag na ang bulig pinansyal para sa ila
Suno kay Defensor, padayon man ang ila pagpakig-angot sa ila counterpart sa national government kaangay nalang sang Department of Agriculture kag Department of Social Welfare and Development agud madungan nalang ang mga bulig nga ipalab-ot sa mga biktima.
Dugang sang gobernador, padayon man ang ila pagpangita sang iban pa nga mga programa agud madugang sang bulig nga mahatag sa mga biktima sang bagyong Ursula.
